Tashkent ITF Juniors. Qizlarimizning 3 nafarida mag'lubiyat

O'z tarixida o'ttiz ettinchi marotaba o'tkazilayotgan Tashkent ITF Juniors turnirida o'ndan ziyod davlatdan istedodli o'smir hamda qiz tennischilar ishtirok etishyapti.

Qizlar o'rtasidagi musobaqada hamyurtlarimizdan Milana Maslenkova, Komola Umarova, Yasmina Karimjonova, Olesya Kim, Laylo Bahodirova hamda Valentina SHleyn yurtimiz sport sharafini himoya qilishyapti.   

Ulardan 3 nafari ilk davrada mag'lubiyatga uchradi. Asosiy to'rga imtiyozli yo'llanma asosida qo'yilgan Valentina SHleyn turnirning 6-raketkasi ukrainalik Viktoriya Petrenkoga 1:6, 6:4, 6:7(4) hisobida yutqazib qo'ydi.

Yana bir imtiyozli yo'llanma egasi Olesya Kim turnirning 5-raqamli ishtirokchisi rossiyalik Anastasiya Suxotiniga 6:4, 1:6, 1:6 hisobida imkoniyatni boy berdi. Milana Maslenkova rossiyalik Varvara Kuksinadan 1:6, 0:6 hisobida engildi.