Tashkent Open-2016. Bugun Kamola va Sabina kortga chiqadi

Sovrin jamg'armasi 250 ming dollarni tashkil qiluvchi ushbu turnir bu yil 18-marotaba o'tkazilmoqda. Dunyoning yigirmaga yaqin davlati tennischilari ishtirok etayotgan musobaqada slovakiyalik Anna-Karolina SHmidlova birinchi raqam ostida tasniflangan. U dunyo reytingida 57-o'rinni egallab turibdi.

Yurtimiz mutaxassislarining joriy mavsumni ko'tarinki kayfiyatda o'tkazayotgan Nigina Abduraimova va Sabina SHaripovadan umidlari katta. Bugun tennischilarimizning ishtirokini musobaqaga imtiyozli tarzda qo'yilgan Kamola Umarova boshlab beradi. U musobaqaning amaldagi g'olibasi yaponiyalik Nao Xibinoga qarshi kortga chiqadi.

SHuningdek, bugun yana bir hamyurtimiz o'zining ilk davradagi uchrashuvini o'tkazadi. Mamlakatimizning birinchi raketkasi Sabina SHaripova birinchi bosqichda shveycariyalik SHtefani Fogel bilan munosabatlariga oydinlik kiritib oladi.

Malumot uchun, o'tgan yilgi turnirda yaponiyalik Nao Xibino bosh mukofotni qo'lga kiritgan edi. Kunchiqar yurt vakilasi hal qiluvchi final uchrashuvida xorvatiyalik Donna Vekichni ikki setda ham bir xil 6:2 hisobida mag'lubiyatga uchratgan edi.