Tashkent Open. Sensaciya! Iroda To'laganova faoliyatini qayta tikladi

Sovrin jamg'armasi 250 000 AQSH dollarini tashkil qiluvchi turnirga Respublika olimpiya zaxiralari tennis maktabi kortlari mezbonlik qilyapti va dunyoning ko'zga ko'ringan raketka ustalari bosh sovrin uchun bahslarga kirishishadi.

Etiborga molik jihati shundaki, ushbu turnirda 2000 yili bosh mukofotni qo'lga kiritgan hamyurtimiz Iroda To'laganova faoliyatini qayta tikladi va bu yilgi Tashkent Open musobaqasida ishtirok etadi.

Allaqachon murabbiylik faoliyatini boshlab yuborgan tennisimiz faxri juftlik musobaqasida o'z imkoniyatini sinab ko'radi. U turnirning birinchi raketkasi chexiyalik Kristina Plishkova bilan juftlik hosil qilgan. Irodaga tashkilotchilar imtiyozli yo'llanma taqdim etishdi.

To'laganova va Plishkovaning ilk davradagi raqibalari - germaniyalik Nikola Geuer vhamda gollandiyalik Eva Vakanno bo'ladi. Asosiy to'r bahslarida esa Iroda ishtirok etmaydi.