Tashkent Open xalqaro turniri start arafasida

SHu kunlari shaxmat bo'yicha birinchi o'zbek grossmeysteri Georgiy Agzamov xotirasiga bag'ishlangan Toshkent Open xalqaro turniri bo'lib o'tadi. Respublika ixtisoslashtirilgan bolalar-o'smirlar shaxmat maktabi mezbonlik qiladigan musobaqada yurtimiz shaxmatchilaridan tashqari Rossiya, Belarus, Markaziy Osiyo mamlakatlaridan kelgan yuqori intellekt sohiblari bosh mukofot uchun dona surishadi. 

Ertaga soat 12:00da xalqaro turnirga bag'ishlangan matbuot anjumani bo'lib o'tadi. Soat 14:00da esa musobaqaning tantanali ochilish marosimi o'tkaziladi. Toshkent Open turniri shveycarcha tizimda 9 turdan iborat bo'ladi. SHaxmatchilar reytingdagi o'rinlariga qarab A va V guruhlarida bahslashishadi. 

Malumot uchun, ananaviy tarzda o'tkazib kelinayotgan xalqaro turnirning mukofot jamg'armasi 20 000 AQSH dollarini tashkil qiladi. Asosiy guruhda birinchi o'rinni egallagan shaxmatchi 3 000 dollarga ega bo'ladi.