09 sen 09:23
Yangiliklar

Xokkey

"Tashkent Select" Qozog'iston yoshlar kubogidagi ilk g'alabasini qo'lga kiritdi

Kecha Qozog'istonning Qarag'anda shahrida o'tkazilayotgan xokkey bo'yicha yoshlar o'rtasidagi mamlakat kubogi bahslari davom ettirildi.

Unda Toshkentning "Tashkent Select" yoshlar jamoasi Rudniy shahrining "Gornyak" klubiga qarshi muzga chiqdi.

Quvonarlisi, uchrashuvda hamyurtlarimiz 2:1 hisobida zafar quchishdi. Bu jamoaning yoshlar toifasidagi musobaqalarda qo'lga kiritgan ilk g'alabasi bo'ldi.

"Tashkent Select" klubining shaybalariga Egor Kovalchuk hamda Bogdan Ganiaxmetov mualliflik qildi. Bugun toshkentliklar musobaqaning so'nggi turi doirasida "Astana"ga qarshi muzga chiqishadi.