“Tasisat Daryoi” “Olmaliq”ni chorak finalga olib chiqdi

Tailand poytaxti Bangkok shahrida futzal bo'yicha klublar o'rtasidagi Osiyo chempionatining guruh bosqich bahslari davom etmoqda. Hozirgina yakuniga etgan guruhimizdagi so'nggi uchrashuvda Eron chempioni “Tasisat Daryoi” klubi Livan chempioni “Al Mayadin” jamoasini yirik 6:2 hisobida mag'lub etdi.

Ushbu g'alaba “Olmaliq” jamoasi uchun ayni muddao bo'ldi. Boisi, kecha “Olmaliq” va “Al Mayadin” klublarining o'zaro o'yinida 2:2 hisobi qayd etilgandi.

Eslatib o'tamiz, Aleksandr Petrov shogirdlari ilk turda “Tasisat”ga 3:4 hisobida yutqazishgandi. Livan chempioni 4ta to'p farqi bilan mag'lub bo'ldi. To'plar nisbatiga ko'ra “Olmaliq” guruhda 2-o'rinni egalladi va chorak finalga yo'l oldi.