Tata Steel Chess-2025. Bugun Abdusattorov amaldagi jahon chempioniga qarshi o'ynaydi

Bugun bir kunlik dam olishdan so'ng musobaqada 6-tur uchrashuvlari o'tkaziladi. Nufuzli turnirning "Masters" guruhida Nodirbek Abdusattorov, "CHellenjer"ida esa Nodirbek Yakubboev sovrinli o'rinlar uchun bahs olib boryapti. Beshinchi turdan so'ng Abdusattorov 3 g'alaba va 2 durang bilan 4 ochko jamg'argan holda qo'shimcha ko'rsatkichlarga ko'ra peshqadam bo'lib turibdi. "CHellenjer" guruhida qatnashayotgan Nodirbek Yakubboev esa 2,5 ochko bilan 8-pog'onani band etgan. 

Bugun 6-turda Nodirbek Abdusattorov (2768) bugungi kundagi asosiy raqiblaridan biri - amaldagi jahon chempioni, hindistonlik Gukesh Dommaradju (2777) bilan oq donalarda hisob-kitob qiladi. Bugungi uchrashuv oldidan Nodirbek hisobida 4, Gukeshda 3,5 ochko bor. Jahon chempioni qo'shimcha ko'rsatkichlarga ko'ra kuchli uchlikka yakun yasagan. Nodirbek Yakubboev (2659) esa bugun 6-turda oq donalarda germaniyalik Frederik Sven (2664)ga qarshi bahs olib boradi. 

Hamyurtlarimiz ishtirokidagi har ikki uchrashuv bizning vaqt bilan soat 18:00da boshlanadi.