Tayson - Pol oqshomining Co main-event jangi yakunlandi

Hozirgina oqshomning co main-event jangi yakuniga etdi. Ayol bokschilar o'rtasidagi revansh maqomidagi jangda puertorikalik Amanda Serrano (47-2-1, 31 KO) irlandiyalik Keti Teylor (23-1, 6 KO)ga qarshi ringga ko'tarildi. 

To'liq o'n raund davom etgan jangda jang favoriti sifatida qaralgan Amanda Serrano ochkolar hisobiga ko'ra yutqazib qo'ydi. Uchchala hakam ham 95-94 hisobidagi g'alabani Keti Teylorga taqdim etdi. 

Bu bilan Teylor 2022 yildagi mag'lubiyat uchun Amandadan revansh olishga muvaffaq bo'ldi. O'sha to'qnashuv 2022 yilning eng yaxshi jangi sifatida tan olingandi. Bugungi revansh jangida Netflix statistikasiga ko'ra Serrano ustunlik qilgan. Uning jami 734 ta zarbasidan 324 tasi aniq bo'lgan. Teylorning 529 ta zarbasidan 217 tasi manziliga aniq etib borgan.