31 mar 17:16
Yangiliklar

Dzyudo

Tbilisi Gran-Prisi. Bobonov ham bronza uchun tatamiga chiqadi

Gruziya poytaxti Tbilisi shahrida dzyudo bo'yicha Gran-Pri turkumiga kiruvchi nufuzli turnir bo'lib o'tmoqda.

Sovrin jamg'armasi 100 000 AQSH dollarini tashkil qiluvchi musobaqaning so'nggi uchinchi kungi bahslari o'zining hal qiluvchi pallasiga kirdi. -90 kg vazn toifasidagi vakilimiz Davlat Bobonov yarim final bellashuvida tatamiga chiqdi.

Ivan Felipe Moralesga qarshi kechgan uchrashuvda tajribali kubalik dzyudochi g'alaba qozondi. Endi Bobonov kechki dasturda mo'g'ulistonlik Altanbagana Gantulgaga qarshi bahs olib boradi. Bu mo'g'ul dzyudochisi ikkinchi bosqichda yana bir hamyurtimiz Yahyo Imomovni mag'lub etgan edi. Bobonovda Yaxyo uchun revansh olish imkoniyati bor.