Tennis bo'yicha O'zbekiston kubogi yakunlandi

Musobaqada 4 guruhga bo'lingan holda 15 ta jamoa ishtirok etdi. Uchrashuvlar yakkalik va mikst yo'nalishlarida o'tkazilib, g'olib nomini aniqlab berdi. Etiborlisi, finalda Toshkent-1 va Toshkent-2 jamoalari o'zaro kurash olib borishdi.

Erkaklar o'rtasidagi yakkalik toifasida Olimjon Nabiev (Toshkent), ayollar o'rtasida esa Yasmina Karimjonova (Toshkent) g'alaba qozondi. Mikstda Maksim SHin/Milana Maslenkova (Toshkent) juftligiga etadigan topilmadi. 

Jamoaviy bellashuvlar ham juda qizg'in kechdi. Mikst bahslarida Toshkentning ikki jamoasi vakillari kortga chiqishdi.

Erkaklar. Yakkalik
1-o'rin – Olimjon Nabiev (Toshkent)
2-o'rin – Maksim SHin (Toshkent)
3-o'rin – Sanettula Kutibaev (Qoraqalpog'iston)

Ayollar. Yakkalik
1-o'rin – Yasmina Karimjonova (Toshkent)
2-o'rin – Milana Maslenkova (Toshkent)
3-o'rin – Nasiba Empolova (Qoraqalpog'iston)

Mikst
1-o'rin – Makim SHin/Milana Maslenkova (Toshkent)
2-o'rin – Olimjon Nabiev/Yasmina Karimjonova (Toshkent)

Final uchrashuvi va taqdirlash marosimida O'zbekiston Respublikasi Jismoniy tarbiya va sport vazirining birinchi o'rinbosari Ravshan Irmatov, Milliy olimpiya qo'mitasi prezidenti Rustam SHoabdurahmonov, Qo'mita Bosh kotibi Oybek Kasimov va tennis federaciyasi vakillari ishtirok etishdi.

Taqdirlash marosimi yakunlangach, MOQ rahbari tennischilar bilan suhbatlashdi, ularni navbatdagi g'alabalar sari ruhlantirdi.