Tennis. Bugun O'zbekiston - Xitoy uchrashuvi boshlanadi

Mazkur uchrashuv g'olibi jahon ligasi yo'llanmasi uchun o'tkaziladigan pley-off bosqichida qatnashish xuquqiga ega bo'ladi. Devis Kubogi bahslarida bu ikki terma jamoa shu kunga qadar sakkiz bor to'qnash kelgan. Beshta uchrashuvda terma jamoamiz tennischilarining qo'llari baland kelgan. Qolgan uchta o'yinda xitoyliklar zafar quchishgan.

O'tgan ikki yil ichida har ikki terma jamoa tarkibida sezilarli o'zgarishlar kuzatilmadi. Xitoy kvartetining etakchisi 25 yoshli Di U. Bugungi kunda Di dunyo reyting jadvalida 175-o'rinda bormoqda.

SHuningdek, Toshkentga kelgan Xitoy terma jamoasi tarkibidan Cze Jang, MaoKsin Gong hamda CHje Li joy olgan. O'zbekiston terma jamoasi tarkibiga esa Denis Istomin Farrux Do'stov, Sanjar Fayziev hamda istedodli yosh tennischimiz Jo'rabek Karimov kiritilgan.

Taqqoslash uchun, jamoamiz etakchisi Denis Istomin dunyo reytingida 97-o'rinni egallab turibdi.