Terma jamoamiz Burkina-Fasoga qarshi o'yinga tayyorgarlik ko'rmoqda

Mazkur uchrashuv terma jamoamiz uchun Jahon chempionati 3-saralash bosqich ilk turidan o'rin olgan Suriyaga qarshi o'yinga tayyorgarlik vazifasini o'tab beradi. Aynan Burkina-Fasoga qarshi o'yindan so'ng milliy terma jamoa bosh murabbiyi Samvel Babayan 1 sentyabr kungi Suriyaga qarshi o'yinda maydonga tushishi mumkin bo'lgan futbolchilar nomini elon qiladi.

Bosh murabbiy yig'inga 24 nafar futbolchini jalb etgan. Ertadan keyin o'tkaziladigan uchrashuvda xorijda to'p tepayotgan futbolchilarimiz – Odil Ahmedov, Vitaliy Denisov, Sardor Rashidov va Sanjar Tursunov maydonga tushmaydi. Ular kechroq terma jamoa safiga kelib qo'shilishadi.

Eslatib o'tamiz, O'zbekiston – Burkina-Fasoga uchrashuvi 24 avgust kuni “Paxtakor” stadionida bo'lib o'tadi. Uchrashuv soat 20:00da boshlanadi. Ushbu bahsni boshqarish hamyutimiz FIFA referisi SHerzod Qosimovga ishonib topshirilgan. Unga qanotlarda Mamur Saidqosimov va Ruslan Serazitdinov yordam beradi. To'rtinchi hakam sifatida Dmitriy Pislegin tayinlangan.