Timur Kapadze: "Birgalikda kuchli bo'lib kerakli natijani qo'lga kiritamiz, boshqa yo'limiz yo'q"

"Birinchi o'rinda Srechko Katanecga sog'lik tilayman. Sog'lik doim birinchi o'rinda turadi. Kecha rahbariyat tomonidan meni nomzodim tasdiqlandi. Terma jamoa begona emas. Bu libosda ko'p yillar maydonda to'p tepganman, murabbiy, yordamchi murabbiy bo'lganman. Men uchun terma jamoa har doim ustun turadi. Biz askarmiz. Oldimizdagi vazifani bajarishimiz kerak. 

Murabbiylar shtabi, futbolchilar bilan gaplashdik. Mart oyida FIFA kunlaridagi 2 ta muhim uchrashuvga yaxshi tayyorgarlik ko'ramiz, chunki oz muddat qoldi. Eng asosiysi hamma sog' bo'lsin, yaxshi formada kelsin. Oldimizda hal qiluvchi o'yinlar kutib turibdi. Albatta, bosim, qiyin payt. O'ylaymanki, hammasi joyida bo'ladi. Birgalikda kuchli bo'lib kerakli natijani qo'lga kiritamiz, boshqa yo'limiz yo'q. Futbolchilarning mahorati, kuchi etadi. Muxlislarning duolari, qo'llab-quvvatlashi ham kerak. Bu narsaga faqat birgalikda erishishimiz mumkin",- deydi Timur Kapadze.