Tohirjonova ham jahon chempionatida ishtirok etyapti

Ayollar o'rtasidagi bahslarda yagona vakilamiz xalqaro ayollar grossmeysteri Gulruhbegim Tohirjonova ham ishtirok etyapti. Umumiy mukofot jamg'armasi 1 150 000 AQSH dollarini tashkil qiluvchi jahon chempionatining rapid yo'nalishida kecha bir nechta tur uchrashuvlari o'tkazildi. 

Tohirjonova hozircha so'nggisi bo'lib turgan 9-turda oq donalarda harakat qildi va gruziyalik xalqaro grossmeyster Nino Bacilashvili bilan durangga imzo chekdi. Ushbu durangdan so'ng shaxmatchimiz hisobidagi ochkolar 5taga etdi. Gulruhbegim 22-31 o'rinlarni egallab turibdi. 

Sakkiz imkoniyatdan 7 ochko jamg'argan xitoylik xalqaro grossmeyster, amaldagi jahon chempioni Ju Ven Jun turnir jadvalida yakka peshqadamlik qilyapti. Tohirjonova yaqinda o'tkazilgan jahon chempionatining chorak finalida aynan Ven Junga tay-brekda imkoniyatni boy bergan edi. Bugun Gulruhbegim 9-partiyada gruziyalik Meri Arabidzega qarshi qora donalarda o'ynaydi.