Topuriya mag'lubiyatidan uch oy o'tib, nihoyat sukunatni buzdi

Ispaniya-gruziyalik sobiq chempion bu mag'lubiyat uni yanada kuchliroq qilganiga ishonch bildirdi.

"Hayotda doimo g'alaba qozonishning iloji yo'q va bu tabiiy hol, chunki mag'lubiyatning o'zi hech narsani anglatmaydi. Muhimi — qanday mag'lub bo'lishingizda. Atrofingiz qorong'ulikka cho'mganda kim bo'lishni xohlaysiz? Pastda qolishni tanlaysizmi yoki o'rningizdan turishga qaror qilasizmi?

O'ylaymanki, Xudo men buni boshdan kechirishimni va hech qanday g'alaba menga o'rgata olmaydigan narsalarni o'rganishimni xohladi. Do'zaxni bosib o'tib, men avvalgidan ham kuchliroq bo'ldim. CHunki chempion — hech qachon yiqilmaydigan emas, balki har doim o'rnidan turish uchun sabab topa oladigan insondir.

Xarakter hamma narsa siz xohlagandek ketayotganda emas, balki hamma narsa rejadan chiqib ketganda shakllanadi. Hech kim sizdan tortib ololmaydigan yagona g'alaba — bu sizning xarakteringizdir. Biz qaytamiz!", — dedi "El Matador" ijtimoiy tarmoqlarda elon qilingan videoda.

O'tgan yilning iyun oyida yarim engil vazn toifasidagi chempionlik kamaridan voz kechgan Iliya Topuriya CHarlz Oliveyrani nokautga uchratib, engil vaznda vakant bo'lgan UFC chempionlik kamarini qo'lga kiritgan edi. Biroq joriy yilning iyun oyida u birlashtiruvchi jangda Jastin Getjiga kamarini boy berdi.

Faoliyatidagi ilk mag'lubiyatdan so'ng Topuriya hech qanday bayonot bermagan edi, ammo uning jamoasi Iliyaning yil oxirida oktagonga qaytishi mumkinligini malum qilgandi.