To'rabek Ismoilov - sambo bo'yicha jahon chempioni!

Quvonarlisi, musobaqaning ilk kuniyoq terma jamoamiz uchun omadli keldi. 72 kg vazn toifasida gilamga chiqqan hamyurtimiz To'rabek Ismoilov barcha raqiblarini engib, jahon chempioniga aylandi.

To'rabek hal qiluvchi final bahsida rossiyalik Andrey Veselovni mag'lubiyatga uchratib, oltin medalni qo'lga kiritdi. Samboning vatani Rossiya ekanligini inobatga olsak, g'alabaning qiymati va bahosi yaqqol ko'zga tashlanadi.

Ushbu vazn toifasida bronza medallari gruziyalik Otar Soziashvili hamda belaruslik Dzianis Barkavecga nasib etdi.

Limasol, Kipr. Jahon chempionati

Erkaklar. 72 kg

1. To'rabek Ismoilov (O'zbekiston)

2. Andrey Veselov (Rossiya)

3. Otar Soziashvili (Gruziya)

3. Dzianis Barkavec (Belarus)