To'rt kurashchimiz Osiyo chempionati bronza medali uchun gilamga chiqadi

Bugundan qita chempionatida yunon-rum kurashi bo'yicha bellashuvlar boshlandi. Osiyo chempionatining beshinchi kuni klassiklar o'rtasida 5 ta vazn toifasida g'olib va sovrindorlar nomi malum bo'ladi. Biroz avval saralash bahslari yakunlanib, kechki dasturda medallar uchun gilamga chiqadigan kurashchilar nomi malum bo'ldi.   

Bugun kurashga kirishgan 5 yunon-rum kurashchimizdan 4 nafari bronza medali uchun gilamga chiqadigan bo'ldi. Ular 1/4 va 1/2 final bellashuvlarda raqiblariga yutqazib, oltin yoki kumush medal uchun imkoniyatlarini yo'qotishdi. 

Jasurbek Ortiqboev (-55 kg) 1/4 finalda qozog'istonlik Nurzat Kabdirahimovdan 10-1 hisobida ustun keldi. Yarim finalda xuddi shu hisob bilan KXDR vakili YU CHol Roga yutqazib qo'ydi. Ortiqboev kechki dasturda bronza medali uchun Qirg'iz Respublikasi vakili Ulan Muratbek uulu bilan to'qnash keladi.      

Parij-2024 Olimpiadasi licenzianti Islomjon Bahromov (-63 kg) kvalifikaciya raundida mezbonlar kurashchisi Dastan Kadirovni engdi (8-5). Lekin 1/4 finalda KXDR vakili CHan Kimga imkoniyatni boy (1-3) berdi. Bugun kurashgan polvonlarimizdan birgina Bahromov uchun Osiyo chempionati yakuniga etdi. 

Doniyorxon Nakibov (-77 kg) qita chempionatidagi ishtirokini kvalifikaciya raundidan boshladi va turkmanistonlik Bazargeldi Ezimovdan 9-0 hisobida ustun keldi. CHorak finalda esa yaponiyalik Nao Kusakaga qarshilik ko'rsata olmadi 0-10. Uning bronza medali uchun bellashuvdagi raqibi koreyalik Yong Xyun Noh bo'ladi.   

Rahimjon Uzoqov (-87 kg) 1/4 finalda tojikistonlik Suhrob Abdulhaevni 10-2 hisobida mag'lubiyatga uchrata oldi. Afsuski, 1/2 finalda qozog'istonlik Nursulton Tursinovga 0-9 hisobi bilan engildi. Endi u bronza medali uchun Koreya Respublikasi kurashchisi Syong Xvan Liga qarshi gilamga chiqadi.   

Islomjon Rahmatov (72 kg) 1/8 finalda hindistonlik Mehar Singhni mag'lub (3-2) etdi, ammo 1/4 finalda eronlik Amin Mirzazodaga 0-8 hisobida yutqazib qo'ydi. Endi u kechki dasturda mezbonlar vakili Erlan Manatbekovga qarshi bronza medali uchun gilamga chiqadi.  

Bronza medali uchun bellashuvlar:   

-55 kg: Jasurbek Ortiqboev - Ulan Muratbek uulu (Qirg'iz Respublikasi)

-77 kg: Doniyorxon Nakibov - Yong Xyun Noh  (Koreya Respublikasi)

-87 kg: Rahimjon Uzoqov - Syong Xvan Li (Koreya Respublikasi)

-130 kg: Islomjon Rahmatov - Erlan Manatbekov (Qirg'iz Respublikasi)