14 okt 13:40
Yangiliklar

Tennis

Toshkent CHellenjer g'olibi 25, finalchi esa 81 pog'onaga ko'tariladi

Xabar berganimizdek, bundan bir necha daqiqa avval tennis bo'yicha sovrin jamg'armasi 150 000 AQSH dollarini tashkil qiluvchi Toshkent CHellenjer turniri yakunlandi.

O'z tarixida yubiley - o'ninchi bor tashkil etilgan musobaqada g'olib chiqqan turnirning to'rtinchi raketkasi ispaniyalik Gilermo Garsiya-Lopes dushanba kuni elon qilinadigan haftalik yangi reytingda 25 pog'onaga ko'tarilib oladi.

Ayni paytda Gilermo dunyo reytingida 105-o'rinni egallab turibdi. Bugun qo'lga kiritgan 125 reyting ochkosi evaziga u endi 80-pog'onadan joy egallaydi. Finalchi polshalik 21 yoshli Kamil Mayjak esa 317-o'rindan 236-pog'onaga yuqorilaydi.