"Toshkent CHellenjer". Istomin o'zbek derbisida qiyinchilik bilan g'alaba qozondi

Qura natijalariga ko'ra, musobaqaning ilk bosqichidayoq ikki o'zbekistonlik tennischi qarama-qarshiligini kuzatdik. Ushbu o'yinda mamlakatimizning birinchi raqamli tennischisi Denis Istomin Farrux Do'stovga qarshi kortga chiqdi.

2 soat 30 daqiqa davom etgan o'yinda Denis Istomin 6:7, 6:1, 7:5 hisoblarida g'alaba qozondi va ikkinchi davraga yo'l oldi.

Endi u ikkinchi bosqichda bosniyalik Aldin Setkichga qarshi kortga chiqadi.

Eslatib o'tamiz, Setkich birinchi davrada boshqa bir tennischimiz Sanjar Fayzievni 7:6, 6:4 hisoblarida mag'lub etgandi.

Toshkent. Respublika Olimpiya zaxiralari tennis maktabi. Markaziy kort.

Denis Istomin (O'zbekiston) - Farrux Do'stov (O'zbekiston) 2:1 (6:7, 6:1, 7:5)