Toshkent Open. Bosh sovrin Belarusga ketdi, SHamsiddinda 2-o'rin!

Xalqaro turnirning kuchlilar jam bo'lgan A guruhida g'olib nomi so'nggi turda malum bo'ldi. Bugun o'tkazilgan 9-turda 6,5tadan ochko jamg'arib turgan belaruslik Aleksey Fyodorov va yosh shaxmatchimiz Saidakbar Saydaliev o'zaro to'qnash kelishdi. Saidakbar xalqaro grossmeysterga qarshi kechgan uchrashuvda imkoniyatni boy berdi. 

SHamsiddin Vohidov esa qora donalarda o'ynashiga qaramay Valeriy Kazakovskiyni mag'lubiyatga uchratdi. Bu bilan yosh SHamsiddinning ochkolari 7taga etdi va u sof ikkinchi o'rinni egalladi. Yarim ochko ko'p jamg'argan Aleksey Fyodorov A guruhi chempioniga aylandi. Kuchli uchlikka qo'shimcha ko'rsatkichlarga ko'ra braziliyalik xalqaro grossmeyster Aleksandr Fier yakun yasadi.  

Musobaqa g'olib va sovrindorlari bilan tanishing:

“A” guruhi

1-o'rin – Aleksey Fyodorov (Belarus),

2-o'rin – SHamsiddin Vohidov (O'zbekiston),

3-o'rin – Aleksandr Fier (Braziliya). 

“Ayollar o'rtasidagi eng yaxshi ko'rsatgich”

1-o'rin – Sarvinoz Qurbonboeva (O'zbekiston),

2-o'rin – Nilufar Yoqubboeva (O'zbekiston),

3-o'rin – Sitora Saparova (O'zbekiston).

“20 yoshgacha bo'lgan qizlar o'rtasidagi eng yaxshi natija”

Umida Omonova (O'zbekiston).

“20 yoshgacha bo'lgan o'smirlar o'rtasidagi eng yaxshi ko'rsatgich”

1-o'rin – Valeriy Kazakovskiy (Belarus),

2-o'rin – Abdumalik Abdusalimov (O'zbekiston),

3-o'rin – Ortiq Nig'matov (O'zbekiston).

“Faxriylar o'rtasidagi eng yaxshi natija”

Nikolay Mishuchkov (Rossiya), Xayrullo To'raev (O'zbekiston).

“B” guruhi

1-o'rin – Server Abduraimov (O'zbekiston),

2-o'rin – Avazbek Muzaffarov (O'zbekiston),

3-o'rin – Temur SHernazarov (O'zbekiston).

“14 yoshgacha bo'lgan o'smirlar o'rtasidagi eng yaxshi ko'rsatgich”

Davron SHaripov (O'zbekiston)

“Ayollar o'rtasidagi eng yaxshi ko'rsatgich”

Maftuna Bobomurodova (O'zbekiston).