Toshkent rekord darajadagi qatnashchilar ishtirok etadigan Jahon chempionatiga mezbonlik qiladi

Musobaqada yigitlar va qizlar o'rtasida 10 tadan vazn toifasida rekord darajadagi sportchilar ishtirok etishi kutilmoqda.

Musobaqalar poytaxtimizdagi muhtasham "Olimpiya shaharchasi"da joylashgan Yakkakurash sport majmuasida bo'lib o'tadi. Ushbu nufuzli tadbir dunyoning eng iqtidorli yosh sportchilarini bir joyga jamlab, ularning taekvondodagi faoliyatida navbatdagi muhim bosqich bo'lib xizmat qiladi.

Jami 118 ta davlatdan 990 nafar sportchi musobaqa uchun ro'yxatdan o'tgan. Bu ko'rsatkich 2024 yilda CHuncheonda o'tkazilgan yoshlar o'rtasidagi Jahon chempionatidagi 963 nafar ishtirokchi rekordidan ham oshdi.

Yigitlar o'rtasidagi vazn toifalari -45 kgdan +78 kggacha, qizlar o'rtasida esa -42 kgdan +68kggacha belgilangan. 2009 yil 1 yanvardan 2011 yil 31 dekabrgacha tug'ilgan sportchilar ushbu musobaqada qatnashish huquqiga ega.

Malumot o'rnida takidlash lozim, Toshkent avval ham, aniqrog'i, 2019 yilda yoshlar o'rtasidagi Jahon chempionatiga mezbonlik qilgan edi.