06 apr 23:24
Yangiliklar
Boshqalar
Toshkent shahrida 25 kilometrli avtomarafon o'tkaziladi
Ertaga, 7 aprel kuni buyuk sarkarda, Sohibqiron Amir Temur tavalludining 683 yilligiga bag'ishlab, O'zbekiston Qurolli Kuchlari akademiyasi Toshkent shahri YHXB bilan hamkorlikda poytaxt ko'chalari bo'ylab 25 kilometrli avto marafon o'tkaziladi.
Tadbir soat 09.00da Qurolli Kuchlar akademiyasining 1-nazorat o'tish joyi (mo'ljal A. Pushkin haykali ilgari turgan maydon oldi)dan boshlanadi. Avto marafon Mustaqillik shoh ko'chasidan boshlanib, Kichik halqa yo'li orqali Bunyodkor va undan keyin Alisher Navoyi shoh ko'chalari bo'ylab o'tadi. Unda Qurolli Kuchlar akademiyasi harbiy xizmatchilari shaxsiy avtotransport vositalarida qatnashadi. Marafon doirasida harbiylar Amir Temur obrazini gavdalantirib, o'sha yillardagi askariy kiyimlarni kiyishadi.
7 aprel kuni soat 09.00dan 12.00 ga qadar Toshkent shahrining ayrim ko'chalarida avtotransport vositalari uchun harakat cheklanadi.
Mudofaa vazirligi matbuot xizmati
Havola :
Fikrlar