"Toshkent yozi" reyting turniri yakuniga etdi FOTOGALEREYA

300 nafarga yaqin shaxmat ixlosmandlari “A” va “B” guruhlariga bo'lingan holda o'z mahoratlarini namoyon etdi.

“A” guruhida Akbarali Abduhakimov g'oliblik shohsupasining eng yuqori pog'onasidan o'rin oldi. Keyingi o'rinlar Guldona Hakimova (qiz bolalar xohishiga qarab o'g'il bolalar guruhida dona surishi mumkin - tahririyat) va Hadiyatillo Muxamedovlarga nasib etdi.

Faxriylar o'rtasida Ibrohimjon Husainov, qizlar orasida Ruqiya Olimova, 12 yoshlilar bahsida SHahzod Islomov, 16 yoshlilarda SHerali Ortiqovlar g'olib bo'lishdi.

“B” guruhida 1-o'ringa Akrom Yo'ldoshev munosib topildi. Ikkinchi o'rinni Bahovuddin Xalilov, 3-o'rinni esa Sardor Salohiddinov egalladi. 8 yoshgacha bo'lgan bolalar o'rtasida Nurislom Abdulahatov, 10 yoshgacha bo'lgan bolalar orasida esa Samir Muhamadiev g'oliblikni qo'lga kiritdi.

Qizlar o'rtasidagi bahslarda Lazizabonu Komiljonovaga teng keladigani topilmadi.2-o'rin Xolida Muhammadievaga, 3-o'rin esa Dilnura Tursunboevaga nasib etdi. 8 yoshgacha bo'lgan qizlar o'rtasida Madina Salimtosheva, 10 yoshgacha bo'lgan qizlar o'rtasida esa Vera Kiseleva g'olib bo'ldi.

“Toshkent yozi” ananaviy reyting turnirining g'olib va sovrindorlari tashkilotchilar tomonidan tasis etilgan diplom, medal va pul mukofotlari bilan taqdirlandi.

Alimurod MAMADAMINOV, o'z muxbirimiz