Toshkentda "Markaziy Osiyo SHaxmat Festivali" start oldi

Mazkur chempionat RosAtom, FIDE va O'zbekiston Respublikasi hukumati ko'magida tashkil qilinib, O'zbekiston SHaxmat Federaciyasi tomonidan tashkil qilindi.

"Markaziy Osiyo SHaxmat Festivali" doirasida 3 turnir bo'lib o'tadi. Asosiy musobaqa bu 20 yoshgacha bo'lganlar o'rtasidagi Markaziy Osiyo chempionati. Bundan tashqari, rapid (tezkor shaxmat) bo'yicha uch guruhda va maktab o'quvchilari o'rtasida musobaqa hamda FIDE arbitlari uchun xalqaro seminar bo'lib o'tadi.

Musobaqada 6 mamlakatdan – Tojikiston, Qirg'iziston, Turkmaniston, Qozog'iston, Afg'oniston va O'zbekistondan umumiy 200 nafar ishtirokchi qatnashmoqda.

Mukofot jamg'armasi 12000 evro bo'lgan festivalda, standart yo'nalishida g'olib bo'lgan o'g'il bolalarga 3000 evro, qiz bolalarga esa 1500 evro pul mukofoti beriladi.

CHempionat g'olib va sovrindorlari xalqaro grossmeyster, xalqaro toifadagi sport ustasi va FIDE sport ustasi singari xalqaro unvonlarni olish imkoniyatiga ega bo'ladilar. Musobaqada o'yin vaqtini nazorat qilib borish uchun elektron soatlardan foydalaniladi. Federaciyalarni rivojlantirish dasturi bo'yicha, Afg'oniston, Qirg'iziston, Tojikiston va Turkmaniston shaxmat federaciyalariga o'z davlatlarida turnirlarni tashkillashtirishlari uchun 20 ta shaxmat soatlari taqdim etiladi.

Bugun “MARKAZIY OSIYO SHAXMAT FESTIVALI” ochilish marosimi bo'lib o'tdi. Unda O'zbekiston Respublikasi Bosh vaziri o'rinbosari Aziz Abduhakimov, MOQ rahbari Rustam SHoabdurahmonov, FIDE Prezidenti maslahatchisi Berik Balgabaev, O'zbekiston SHaxmat federaciyasi vice prezidenti Husan Turdaliev, O'zbekiston Respublikasi Prezidenti huzuridagi Loyiha boshqaruvi milliy agentligi bosh direktori o'rinbosari Vyacheslav Pak hamda OAV xodimlari ishtirok etishdi.

"Bugungi kunda muhtaram Prezidentimiz tomonidan sportga katta etibor berilmoqda, shular qatorida aql gimnastikasi deb nom olgan shaxmatga ham etibor yuqori darajada. O'rta Osiyoning olti mamlakatidan 200dan ziyod shaxmatchilar ishtirok etadigan musobaqa yurtimizda shaxmatga bo'lgan qiziqishni yanada oshiradi. Fursatdan foydalanib "Markaziy Osiyo SHaxmat Festivali"ni tashkil etishda tashabbus ko'rsatgan RosAtom korporaciyasiga, Xalqaro shaxmat Federaciyasi yani FIDE tashkilotiga va yuqori saviyadagi tashkilotchilik uchun O'zbekiston SHaxmat Federaciyasiga minnatdorchilik bildirmoqchiman. Barcha ishtirokchilarni ushbu festival boshlanishi bilan tabriklaymiz va omad tilaymiz", - dedi O'zbekiston Respublikasi Bosh vaziri o'rinbosari Aziz Abduhakimov.

SHundan so'ng martabali mehmonlar musobaqaning ramziy birinchi yurishini amalga oshirib berishdi hamda "Markaziy Osiyo SHaxmat Festivali"ga rasman start berildi.