Toshkentda o'tgan "Jip Sprint" poygasidan FOTOGALEREYA

Avtohavaskorlar va professionallar ishtirok etgan musobaqada 20 dan ortiq ekipaj g'oliblik uchun 4X4 avtomobillarni boshqardi. “Turist” seriyasida  maxsus tayyorgarlik ko'rilgan o'tuvchanligi yuqori avtomobillarda Jip Sprint poygasida ishtirok etish mumkin. Unda 13 ta ekipaj g'oliblik uchun bahslashdi. 

Yo'nalishda esa turli tabiiy to'siqlar, do'ngliklar o'rin olgan. Vaqt chegarasi esa 30 daqiqa. Birinchi o'rin sohibi 13 aylana davomida aniqlab olindi. Biror bir ekipaj umumiy guruhni katta farq bilan ortda qoldira olmadi. Natijada 5 ta ekipaj 13 aylanani bosib o'tdi.  

Hamza Ortiqov ekipaji jarima sababli yana 1 aylana o'tishi talab etildi. SHu sababli g'oliblik uchun asosiy davogar 4-o'rinni egalladi. Musobaqada Mirislom G'iyosov - Sadullo Nosirov zafar quchdi. Ushbu ekipaj belgilangan masofani 27 daqiqa 44 soniyada aylanib chiqdi. Keyingi qatorlarga Iskandar Nazmeev, Igor Ilin ekipajlari joylashdi.

Standart yo'nalishida  ishtirok etish uchun ariza topshirganlar belgilangan masofani 12 marta bosib o'tishlari kerak. Eng kam vaqt sarlagan ekipaj g'olib deb elon qilinadi. Ushbu poygada qatnashchilar avtomobillarni takomilalshtira olmaydi. Asror SHaxoberdiev – Iskandar Nazmeev 28  daqiqa 26 soniya bilan birinchi o'rinni egalladi. 

28,30 daqiqada marraga etib kelgan Denis Grigorev ekipaji ikkinchi o'ringa joylashdi.