Toshkentda o'tkazilayotgan reyting turniridan FOTOREPORTAJ

Oltinchi tur yakunlariga ko'ra, Abdulaziz Qurbonov 6 imkoniyatdan 5,5 ochko olgan holda “A” guruhida etakchilik qilmoqda. Komiljon Azizov, Akbarali Abduhakimov, Aleksandr Adishev, Oqjol Rahmatullaev, Behruz Umarov, SHerali Ravshanov, Alisher Umurzoqov, Jahongir Marinboevlar esa 5 ochkodan jamg'ara olishdi. Qizlar orasida Ozoda SHahzodova 4 ochko bilan guruhda etakchi bo'lib turibdi.

“B” guruhida Alan Isaev, Ezozbek Mahmudov, Biloliddin Obidovlar 5,5 ochkodan o'z hisoblariga yozib qo'ygan. Qizlar o'rtasida esa 5 ochko bilan Nilufar Mahmudova peshqadamlik qilmoqda. Guruhda peshqadamlik uchun dona surayotgan SHavkat Abduholiqov, SHahzod Toshtemirov, Bunyod Sobirjonov, Faxriddin Qilichev, Rasul Salimov, Munazzam Sotvoldiev, Suxrobbek Yusupov, Diyorbek Husanovlar hisobida ham 5 ochkodan bor.

Reyting turnirida 6 ta o'yindan bironta ham ochko ololmaganlar ham topiladi. “A” guruhida Behruzbek Bahromovning omadi chopmayotgan bo'lsa, Xudoyor Dilmurodov, Islombek Norqoraev, Nurmuhammad Davlatnazarov (“B”)lar ham raqiblari qarshisida “mot” bo'lib turibdi.

“Toshkent yozi” turnirining g'olib va sovrindorlari 11 iyun kuni malum bo'ladi.

Alimurod MAMADAMINOV, o'z muxbirimiz