Toshkentda shaxmat bo'yicha G'arbiy Osiyo chempionati o'tkazilmoqda

Bahslarda qitamizning 11 mamlakatidan 300 nafarga yaqin aql-idrok sohiblari ishtirok etmoqdalar. CHempionat Xalqaro shaxmat federaciyasi (FIDE) ning rasmiy musobaqasi hisoblanadi, FIDE hamda Osiyo shaxmat federaciyasi ko'magida O'zbekiston shaxmat federaciyasi tomonidan tashkil etilmoqda. Bellashuvlar “International Hotel Uzbekistan”mehmonxonasida bo'lib o'tmoqda. SHaxmatchilar musobaqa davomida klassik, rapid va blic yo'nalishlarida kurash olib bormoqdalar.

Turnir davomida yurtimiz sharafini Nodirbek Abdusattorov, Humoyun Begmuratov, Nodirbek Yoqubboev, Abdimalik Abdisalimov, Afro'za Hamdamova, Bahora Abdusattorova, Ortiq Nigmatov, Umida Omonova hamda Olmos Rahmatullaev kabi shaxmatchilarimiz himoya qilmoqdalar. Hozircha rapid bo'yicha bellashuvlar yakunlandi. Unda o'zbekistonlik sportchilar 48 imkoniyatdan 33 ta medal jamg'ara olishdi. Oltin medallar soni o'ntani tashkil qildi.

Rapid yo'nalishida quyidagi sportchilarimiz shohsupaning eng yuqori pog'onasidan o'rin oldilar:

1) SHaxzod Islamov (Qashqadaryo) – 6 yoshgacha bo'lgan o'g'il bolalar

2) Zaynura Abrorova (Toshkent) – 6 yoshgacha bo'lgan qizlar

3) Xumoyun Begmuratov (Toshkent) – 8 yoshgacha bo'lgan o'g'il bolalar

4) SHaxzoda Hasanova (Toshkent) – 8 yoshgacha bo'lgan qizlar

5) Akobirxon Saydaliev (Samarqand) – 10 yoshgacha bo'lgan o'g'il bolalar

6) Afruza Hamdamova (Samarqand) – 10 yoshgacha bo'lgan qizlar

7) Umida Omonova (Surxondaryo) – 12 yoshgacha bo'lgan qizlar

8) Nodirbek Yakubboev (Xorazm) – 16 yoshgacha bo'lgan o'g'il bolalar

9) Sitora Saparova (Navoiy) – 16 yoshgacha bo'lgan qizlar

10) SHamsiddin Voxidov (Toshkent) – 20 yoshgacha bo'lgan o'g'il bolalar.

Ayni paytda standart shaxmat bo'yicha bahslar davom etmoqda. Musobaqa 22 noyabr kuni yakunlanadi.