Toshkentda shaxmat bo'yicha maktab o'quvchilari o'rtasidagi Osiyo chempionati yakunlandi + FOTOGALEREYA

Kecha Osiyo chempionatining so'nggi kuni - Xalqaro shaxmat bayramida mahoratli shaxmatchilar blic yo'nalishi bo'yicha kuch sinashdilar. Kunning ikkinchi yarmida esa Osiyo chempionatining g'olib va sovrindorlarini tantanali taqdirlash marosimi o'tkazildi.

SHaxmatning rapid, blic va standart yo'nalishlarida ishtirok etgan Umida Omonova, Nilufarxon Imomqo'zieva, Malika Norqulova, Guldona Karimova, Zilola Aktamova, Malika Jumaeva, Dilnoza Nurullaeva, Asrorjon Omonov, Ezozbek Mahmudov, Lazizbek SHavkatov kabi yosh shaxmatchilarimiz o'z guruhlarida oltin medalga sazovor bo'lishdi.

Ruqiya Olimova, Mumtozbegim Sobirova, Akobirxon Saydaliev, Sadullo Azizov, SHahzod Islomov, SHohjahon Siddiqov, Akobirxon Saydaliev, Islombek Xolmamatov, Ikromjon Xalilov esa chempionatda 2-o'rinni egalladi.

Madinabonu Xalilova, Ezozaxon Hasanova, Sevinch Davlatova, Nilufar Mahmudova, Liliya Belaya, SHahrombek Karimov, Abdulqodir Bahodirov, Rahmonali Nematjonov, Javohir Bozorov, Akbarali Abduhakimov, SHahzod Islomov, Ibrohim Jumanazarov, Jamshidbek Aytimbetov, Akbar Yoqubboev kabi sportchilarimiz esa bronza medaliga sazovor bo'lishdi.

Umumjamoa hisobida 1-o'rinni Hindiston, 2-o'rinni O'zbekiston va 3-o'rinni Mo'g'uliston egalladi. Medallar jamg'arish bo'yicha esa g'oliblik shohsupasining eng yuqori pog'onasidan o'rin egalladik. Keyingi o'rinlar Mo'g'uliston hamda hindistonlik shaxmatchilarga nasib etdi.

Taqdirlash marosimida Osiyo hamda mamlakatimiz shaxmat federaciyasi, yoshlar siyosati va sport vazirligi mutasaddilari, mehmonlar, ota-onalar, shaxmat ishqibozlari va ommaviy axborot vositalari xodimlari ishtirok etdi.

Alimurod MAMADAMINOV, o'z muxbirimiz