Toshkentda shaxmat bo'yicha xalqaro turnir boshlandi + FOTO

24 yanvarga qadar davom etadigan Markaziy Osiyo Kubogi uchun musobaqa 9 turdan iborat bo'lib, shveycarcha usulda o'tkazilyapti. Umumiy mukofot jamg'armasi 18 000 AQSH dollarini tashkil qiluvchi turnirda Markaziy Osiyo davlatlari shaxmatchilari dona suryapti. 

Musobaqani o'tkazishdan ko'zlangan asosiy maqsad mamlakatlarda shaxmatni ommalashtirish va rivojlantirish, yoshlar, havaskorlar va malakali shaxmatchilarni turnirlarga jalb etish, Markaziy Osiyo shaxmatchilarining mahoratini oshirishdan iborat. 

Xalqaro shaxmat Akademiyasida turnirning tantanali ochilish marosimi tashkil etildi. Yosh shaxmatchilar xalqaro grossmeyster, xalqaro toifadagi sport ustasi va FIDE toifasidagi sport ustasi kabi xalqaro unvonlarni qo'lga kiritish talablarini bajarish imkoniyatiga ega bo'ladilar.

Alimurod MAMADAMINOV, o'z muxbirimiz