11 mar 12:20
Yangiliklar

Futbol

Toshkentdan qaytishda "Navbahor"ning ikki muxlisi vafot etdi

Kecha Toshkentda Superliganing 1-turidan o'rin olgan "Navbahor" - "Qo'qon-1912" uchrashuvi bo'lib o'tdi.

Bu o'yindan keyin "Navbahor" muxlislar klubi etakchisi Farhod Umaraliev saytimizga juda ham qayg'uli xabarni etkazdi.

"Kechqurun menga juda ham noxush xabar keldi. Toshkentdan qaytishda "Navbahor"ning 5 nafar muxlisi o'tirgan Neksiya avariyaga uchraganini aytishdi.

Neksiya Namanganga kirishda Damas avtomobili bilan to'qnashib ketgan. Damasda ham 5 nafar yo'lovchi bo'lgan.

Avariya natijasida Neksiyada bo'lgan ikki nafar muxlisimiz voqea joyida halok bo'lgan. O'tganlarning joylari jannatdan bo'lsin. Qolgan uch nafar muxlis esa og'ir ahvolda shifoxonaga olib borilgan. Ular borasida yaxshi yangiliklarni kutib qolamiz", - deydi Farhod Umaraliev championat.asia saytiga.