Toshkentga yana katta tennis qaytdi! Poytaxtimizda ikkita "Fyuchers" turniri o'tkazilmoqda

Bu safar poytaxtimizda farqli ravishda "Devis kubogi" emas, ITF turkumidagi "Fyuchers" musobaqasi o'tkazilmoqda. "GRAND PALACE CUP M15" xalqaro turniriga "Yunusobod" sport majmuasi kortlari mezbonlik qilmoqda.

Mukofot jamg'armasi 15 000 AQSH dollarini tashkil etuvchi turnirning birinchi raqamli tennischisi sifatida rossiyalik Evgeniya Tyurnev tasniflangan (ATP-387). Kecha turnirning saralash bellashuvlari o'z nihoyasiga etdi. Biroz avval esa asosiy to'r bahslariga start berildi.

Musobaqada bir qator hamyurtlarimiz ham ishtirok etishmoqda. Jumlalan, terma jamoamizning yosh azolari Maksim SHin va Amir Milushev, shuningdek, Damir Abdusamadov, Rahimbek Ibrohimov, Fayzullo Mirzag'aniev.

Ayni damda asosiy to'rning ilk bosqich bellashuvlari davom etmoqda. O'yinlarni mazkur havola orqali jonli efirda tomosha qilishingiz mumkin.

Ahamiyatlisi, mazkur turnir o'z yakuniga etganidan keyin, 2 sentyabr kunidan boshlab navbatdagi "Fyuchers" turniri start oladi. 13-14 sentyabr kunlari esa Toshkent shahrida O'zbekiston va Estoniya terma jamoalari o'rtasidagi "Devis kubogi" bahslari bo'lib o'tadi.