Transfermarkt Eron chempionatidagi futbolchilar qiymatini yangiladi. Masharipov, O'runov va Yusupovning narxi qancha?

"Istiqlol" yarim himoyachisi Jaloliddin Masharipovning narxi 100 ming evroga oshdi va 1,8 million evroga etdi.

"Persepolis" vingeri Oston O'runov o'z narxini saqlab qoldi – 2,5 million evro. U ko'p o'yinlarni jarohat sabab o'tkazib yubordi. "Fulad" darvozaboni O'tkir Yusupov esa 50 ming evroga arzonladi va 600 ming evro bo'ldi. Birinchi navbatda bu uning yoshi bilan bog'liq (yanvar oyida u 34 yoshga to'ladi).

Masharipov "Istiqlol" safida 20 ta o'yinda maydonga tushib, 1 ta gol urdi va 3 assist amalga oshirdi. O'runov "Persepolis" tarkibida 13 ta bahsda 2 ta to'p kiritdi. Yusupov "Fulad" safida 13 ta o'yinda 13 ta gol o'tkazdi va 6 ta uchrashuvda gol o'tkazmadi.