13 jan 10:45
Yangiliklar

Qilichbozlik

Tunis Gran-prisidagi eng yaxshi natijamiz 8-o'rin bo'ldi

Tunisda qilichbozlikning sablya yo'nalishi bo'yicha Gran-pri turniri o'z nihoyasiga etdi.

Malum qilganimizdek, unda O'zbekiston terma jamoasi azolari ham qatnashishdi.

Yurtdoshlarimiz orasida eng yuqori natijani Zaynab Dayibekova qayd etdi. Musobaqa davomida Olimpiya o'yinlarining ikki karra kumush medali sohibi franciyalik Sara Balser kabi taniqli raqiblarini mag'lubiyatga uchratgan Dayibekova chorak finalda boshqa bir francuz sportchisi Sara Nuchaga imkoniyatni boy berdi va kuchli sakkizlikdan joy oldi.

1/32 finalda Gulistan Perdebaevadan ustun kelgan Fernanda Errera esa nimchorak finalda musobaqaning bo'lajak g'olibi yaponiyalik Misaki Emuraga 14:15 hisobida mag'lub bo'ldi. Yigitlarimizdan Islambek Abdazov ham nimchorak finalda yurishini to'xtatdi.