U-18 termamiz JCHning ikkinchi bahsida Lyuksemburgni tor-mor etdi va guruh peshqadamiga aylanib oldi. Navbatdagi raqib - Turkmaniston

Kun davomida O'zbekiston U-18 terma jamoasi Lyuksemburg yoshlariga qarshi bahs olib bordi va yakunda 12:1 hisobida g'alaba qozondi.

Bu O'zbekiston yoshlar terma jamoasining musobaqa doirasidagi ikkinchi uchrashuvda qo'lga kiritgan ikkinchi g'alabasiga aylandi. Avvalroq, xokkeychilarimiz Janubiy Afrika yoshlarini 12:0 hisobida dog'da qoldirishgan edi.

Keyingi o'yinimiz ertaga 14:30 da Turkmanistonga qarshi bo'lib o'tadi.

III divizion, B guruhi (2- tur)

Tailand, Bangkok.

O'zbekiston - Lyuksemburg 12:1 (7:1, 2:0, 3:0)

Gollar: Dadaxo'jaev, Ravshanov, Rustamxonov, Abduvosiqov, Rustamxonov, Xamzin, Toft (Lyuksemburg), Xamzin, Mirzaboev, Rustamxonov, Dadaxo'jaev, Tojiboev, Rustamxonov.

Ahamiyatlisi, mazkur bellashuvdan keyin yoshlarimiz B guruhi peshqadamiga aylanib oldi. Termamiz Tailand bilan qo'shhokimlikda to'plar nisbatiga ko'ra yaxshiroq bo'lib turibdi. Jasurbek Rustamxonov esa 11 ochko (6+5) bilan guruh to'purarligida birinchi natijani qayd etmoqda.