U-19 Osiyo chempionatiga saralash. Bir kishi kam bo'lib Saudiya Arabistoni bilan durang o'ynadik

Xabaringiz bor, kelasi yil O'zbekistonda tarixda ilk bor yoshlar o'rtasidagi Osiyo chempionati bo'lib o'tadi. Tanlovdan tashqari ushbu musobaqa saralash bosqichida qatnashgan O'zbekiston U-19 terma jamoasi oxirgi o'yinini Saudiya Arabistoniga qarshi o'tkazib, 1:1 hisobini qayd etdi. 

Bungacha Otabek G'ulomxo'jaev shogirdlari Hindiston bilan Afg'onistonni bir xil 2:0 hisobida mag'lub etishgandi. Saralash o'yinlari mezboni Saudiya Arabistoniga qarshi bahsda birinchi taym oxirida bir kishi kam bo'lib qoldik. CHunki hakam futbolchimizga qizil kartochka ko'rsatdi. 

SHunga qaramay yigitlar iroda ko'rsatgan holda 88-daqiqada hisobni tenglashtirishga muvaffaq bo'lishdi. Uchrashuv tugashiga sanoqli daqiqalar qolganida Jasurbek Jaloliddinov tomonidan kiritilgan gol yoshlarimizga bir ochko taqdim etdi. 

SHunday qilib, to'plar nisbatiga ko'ra guruhda birinchi o'rinni egallagan Saudiya Arabistoni U-19 terma jamoasi ham qita birinchiligi yo'llanmasini qo'lga kiritdi.