Uch para dzyudochimiz bronza medali uchun tatamiga chiqadi

Para dzyudo musobaqasining saralash bellashuvlaridan so'ng uch nafar vakilimizning kechki dasturda bronza medallari uchun tatamiga chiqishi oydinlashdi. J2 klassida -90 kg vazn toifasida bahs olib borayotgan Dovurxon Karomatov 1/2 finalda ukrainalik Oleksandr Nazarenkoga imkoniyatni boy berib qo'ydi. 

J1 klassidagi bahslarning 1/4 finalida yutqazgan ikki para dzyudochimiz - Feruza Ergasheva (+70 kg) va Turg'un Abdiev (-90 kg) bronza yo'lidagi o'tish bellashuvlarida g'alaba qozonishdi. Ergasheva indoneziyalik Roma Tampubolonni, Abdiev esa italiyalik Romano Teodorini mag'lub eta oldi. 

Bronza medali uchun bahslar:

-90 kg: Dovurxon Karomatov - Lasha Kizilashvili (Gruziya)

-90 kg: Turg'un Abdiev - Siril Jonard

+70 kg: Feruza Ergasheva - Nazan Akin (Turkiya)