09 sen 08:17
Yangiliklar
Engil atletika, Tokio-2020
Uchinchi oltin. Husniddin Norbekov – Paralimpiya o'yinlari g'olibi!
Braziliyaning Rio-de-Janeyro shahri mezbonlik qilayotgan Paralimpiya o'yinlari o'zbekistonlik sportchilar uchun muvaffaqiyatli davom etmoqda.
To'rt yillikning nufuzli musobaqasida O'zbekiston Paralimpiya terma jamoasining 32 nafar sportchisi 5ta sport turida yurtimiz sharafini himoya qilyapti. Paralimpiyachilarimiz hamyurtlarimizni xushnud etishda davom etishmoqda.
Husniddin Norbekov terma jamoamiz hisobiga uchinchi oltin medalni taqdim etdi. Engil atletikaning disk uloqtirish bahslarida ishtirok etgan hamyurtimiz jahon rekordi evaziga oltin medalni qo'lga kiritdi. U diskni 59 metru 75 santimetr masofaga uloqtirib, jahon rekordini yangiladi.
Kumush medal sohibiga aylangan litvalik Mindaugas Bilius 53 metru 50 santimetr natija qayd etdi. Bronza medal egasi xitoylik Dong Xia esa diskni 52 metru 15 santimetr masofaga uloqtirdi.
Havola :
Manba : olamsport.com
Fikrlar