Uchta medalga ega O'zbekiston Tbilisi Grand Slam turnirini nechanchi o'rinda yakunladi?

Uch kun davomida dunyoning 5 qitasi 52 davlatidan jami 385 nafar (219 erkak, 166 ayol) dzyudochi medallar hamda jahon reytingi uchun beriladigan qimmatli ochkolar uchun bahs olib borishdi. 

Musobaqaning so'nggi kuni o'tgan yilgi O'zbekiston chempionatining bronza medali sovrindori Umar Bozorov (-90 kg) faoliyatidagi ilk xalqaro musobaqasidayoq shohsupaning eng yuqori pog'onasiga ko'tarildi. 

U IJF bayrog'i ostida ishtirok etgan Yavor Varapeu, gruziyalik Soso Ebilashvili, vengriyalik Peter Safrani, niderlandiyalik Mark Van Diykni mag'lubiyatga uchratdi. Oltin medal uchun kechgan murosasiz bellashuvda jahon reytingida 24-o'rinni egallab turgan farnciyalik Aleksis Matyoni chiroyli usulda taslim etdi. Bozorov oltin medal bilan birga 1000 reyting ochkosini ham o'z hisobiga qo'shib qo'ydi. Dzyudochilarimizdan Azizbek Ortiqov va Abdurahim Nutfulloev -66 kg vazn toifasida bronza medallarini qo'lga kiritishdi. 

SHu tariqa, O'zbekiston terma jamoasi 1 ta oltin, 2 ta bronza medali bilan Tbilisi Grand Slam 2025 turnirini umumjamoa hisobida 4-o'rinda yakunladi. Franciya terma jamoasi 3 ta oltin, 3 ta kumush, 4 ta bronza medali bilan 1-o'rinni band etdi. Mezbonlar 2 ta oltin, 2 ta kumush, 5 ta bronza medali bilan ikkinchi bo'lishdi.