28 iyu 08:54
Yangiliklar

Boks/MMA

UFC 304. Peddi Pimblett King Grinni ilk raunddayoq taslim etdi

Manchesterda (Buyuk Britaniya) davom etayotgan UFC 304 turnirining bir qancha janglari ortda qoldi.

Asosiy karddan o'rin olgan yana 2 ta jang o'z nihoyasiga etdi.

Ulardan birida o'rta vaznli braziliyalik Gregori Rodriges mezbonlar vakili Kristian Leroy Dankanni ochkolar hisobiga ko'ra mag'lub etdi va ketma-ket uchinchi g'alabasini nishonladi.

Yana bir bellashuvda esa engil vazndagi angliyalik jangchi Peddi Pimblett amerikalik tajribali Bobbi "King" Gringa qarshi oktagonga ko'tarildi. 3 raundga mo'ljallangan bahs ilk raunddayoq yakunlandi. Pimblett raqibini bo'g'ish usuli orqali taslim etdi va UFC'dagi ketma-ket oltinchi g'alabasini rasmiylashtirdi. Jangdan keyin Peddi Pimblett Renato Moykanoni jangga chorladi.