13 iyu 13:08
Yangiliklar
Boks/MMA
UFC 305 turnirining asosiy kardi uchun yana bir qiziqarli jang elon qilindi
Avval xabar berganimizdek, 18 avgust kuni Avstraliyaning Pert shahrida UFC 305 turniri bo'lib o'tadi.
Ushbu oqshomdan o'rin olgan yana bir jang malum bo'ldi.
Engil vazn toifasida polshalik aralash yakkakurash ustasi, chempionlik uchun sobiq davogar Mateush Gamrot turnir doirasida oktagonga chiqadi. Unga Yangi Zelandiya vakili Den Xuker raqiblik qiladi. Jang asosiy kardga kiritilgan.
Turnirning markaziy jangi esa o'rta vazn chempioni, JAR vakili Drikyus Dyu Plessi hamda nigeriyalik sobiq chempion Israel Adesanya o'rtasida kechadi.
Malumot uchun, Mateush Gamrot faoliyati davomida 26 ta jang o'tkazib, 24 g'alaba va 2 mag'lubiyat qayd etgan. Den Xuker esa o'z hisobiga 23 g'alaba va 12 ta mag'lubiyatni yozdirib qo'ygan.
Havola :
Manba : MMAJunkie
Fikrlar