27 okt 09:03
Yangiliklar

Boks/MMA

UFC 308 turnirining bonus sohiblari elon qilindi

Tunda BAA poytaxti Abu-Dabi shahrida uzoq kutilgan UFC 308 turniri bo'lib o'tdi.

Oqshomning markaziy jangida yarimengil vazn toifasi chempioni Iliya Topuriya amerikalik davogar Maks Xolloueyni texnik nokaut evaziga mag'lubiyatga uchratdi. Bu Iliyaning ilk chempionlik himoya jangi edi. Maks esa faoliyatida ilk bor nokaut bilan yutqazdi.

Tashkilotchilar kechagi oqshomdan boshqalardan ajralib turgan va buning uchun mukofotlanadigan jangchilar, yani bonus sohiblarini elon qildi. Iliya Topuriya, Xamzat CHimaev, SHarabutdin Magomedov, Mateush Rebecki va Miktibek Orolbay kafolatlangan gonorardan tashqari qo'shimcha 50 000 dollarlik bonusga ham ega bo'ldi.

Mateush Rebecki va qirg'izistonlik Miktibek Orolbay o'rtasidagi jang UFC 308 turnirining eng yaxshi jangi deb topildi. Iliya Topuriya, Xamzat CHimaev va SHarabutdin Magomedov esa chiroyli jang uchun mukofot pulini qo'lga kiritgan.