23 iyu 09:09
Yangiliklar

Boks/MMA

UFC Fight Night 224 turniri bonus sohiblari malum

Teglar : UFC Fight Night 224 Tom Aspinall

Mahmud Muradov oktagonga ko'tarilgan Londondagi UFC Fight Night turniri yakunlariga ko'ra kafolatlangan gonorardan tashqari qo'shimcha bonuslar kimlarga nasib etgani malum bo'ldi.

Angliyalik Denni Roberts hamda amerikalik Jonni Parsons o'rtasidagi bahs oqshomning eng yaxshi jangi deb topildi. Har ikki jangchi 50 ming dollarlik chekka ega chiqishdi. Yarimo'rta vazn toifasida o'tkazilgan ushbu jangda Parsons raqibini ikkinchi raundda nokautga uchratdi.

Mezbonlarning yana bir vakili Tom Aspinall hamda shotlandiyalik Pol Kreyg esa yorqin jang uchun mukofot pulini qo'lga kiritdi. Kechaning markaziy jangida og'ir vazn toifasi vakili bo'lgan Aspinall 1 daqiqayu 13 soniyada polshalik Marchin Tiburani texnik nokautga uchratdi. O'rta vazn vakili Kreyg esa ikkinchi raundda braziliyalik Andre Munisdan ustun keldi.