UFC Fight Night 225. Giga CHikadze bir yillik tanaffusdan so'ng g'alaba bilan qaytdi

Asosiy karddan o'rin olgan navbatdagi jangda yarim engil vazn toifasida gruziyalik aralash yakkakurash ustasi Giga CHikadze (13-5-0) braziliyalik Aleks Kaseres (21-14-0) bilan to'qnash keldi. 3 raundga mo'ljallangan mazkur jang to'liq davom etdi va unda hakamlarning yakdil qarori bilan 30:27, 30:27, 30:27 hisobida CHikadze g'alaba qozondi.

Qayd etish joiz, CHikadze so'nggi jangini o'tgan yilning yanvar oyida Kelvin Kattarga qarshi o'tkazib, mag'lub bo'lgan edi. Uning raqibi Aleks Kaseres esa ikki oy oldin Daniel Pinedadan ustun kelgan edi.