UFC Fight Night 227. SHevchenko - Grasso 2 chempionlik jangi yakunlandi FOTOGALEREYA

UFC Fight Night 227 turnirining markaziy jangi ayollar engil vazn toifasi vakilalari - amaldagi chempion, meksikalik Aleksa Grasso hamda ushbu kamarning sobiq sohibasi, qirg'izistonlik Valentina SHevchenko o'rtasida bo'lib o'tdi. SHu yilning mart oyida o'tkazilgan UFC 285 turnirida Grasso SHevchenkoni to'rtinchi raundda bo'g'ish usuli bilan mag'lubiyatga uchratib, nomdor raqibasining kamarini tortib olgandi.  

Revansh maqomidagi murosasiz chempionlik jangi to'liq besh raund davom etdi va g'olib nomini hakamlarning qarori aniqlab berdi. Yakunda 48:47, 47:48, 47:47 hisobidagi durang natija qayd etildi va Grasso chempionlik kamarini o'zida saqlab qoldi.