UFC Fight Night 227 turniri bonus sohiblari malum

Etiborlisi, tashkilotchilar oqshomning eng yaxshi jangini aniqlay olishmadi. Ko'pchilikning fikricha, turnirning markaziy jangi bu nomga yuz foiz loyiq edi. Lekin meksikalik Aleksa Grasso hamda qirg'izistonlik Valentina SHevchenko o'rtasidagi dramatik kechgan chempionlik jangi hatto oddiy bonusga ham munosib ko'rilmadi. 

Bir yo'la besh nafar jangchi - rossiyalik Roman Kopilov, amerikalik CHarli Kempbell, meksikaliklar Lupita Godines va Deniel Zellxuber, amerikalik eng yosh UFC jangchisi Raul Rosas kafolatlangan gonorardan tashqari qo'shimcha 50 000 (46,800 evro) dollar miqdoridagi bonus, yani mukofot pulini qo'lga kiritishdi.

Eslatib o'tamiz, Roman Kopilov Josh Fremdni ikkinchi raundda, Raul Rosas birinchi raundda Terrens Mitchellni, CHarli Kempbell esa birinchi besh daqiqalikda Aleks Reyesni texnik nokautga uchratdi. Lupita Godines esa ikkinchi raundda Elis Ridni bo'g'ish usuli bilan taslim etdi.