10 noy 10:08
Yangiliklar

Boks/MMA

UFC Fight Night 247 turnirining markaziy jangida nokaut qayd etildi

Bugun AQSHning Nevada shtati Las-Vegas shahrida navatdagi UFC turniri bo'lib o'tdi.

UFC Fight Night 247 turnirining asosiy jangi yarimo'rta vazn toifasida amerikalik Nil Magni hamda Braziliya vakili Karlos Prates o'rtasida o'tkazildi. Braziliyalik nokautchi tajribali Magnini birinchi raund yakunlanishiga 10 soniya qolgan bir paytda chuqur nokautga uchratdi.

Prates bu yilgi UFC turnirlaridagi to'rtinchi nokautli g'alabasini qo'lga kiritdi. Karlos keyingi jangini 9 fevral kuni Avstraliyaning Sidney shahrida tashkil etiladigan UFC 312 turnirida o'tkazishga tayyor ekanini malum qildi. U reytingning to'rtinchi pog'onasida borayotgan avstraliyalik Jek Della Maddalenani oktagonga chorladi.