UFC Fight Night 252 turnirining asosiy jangi muddatidan avval to'xtatildi

UFC Fight Night 252 oqshomining asosiy jangi o'ta engil vaznda - ikki vazn toifasida sobiq UFC chempioni Genri Sexudo hamda xitoylik Song Yadong o'rtasida o'tkazildi. Jang uchinchi raunddan so'ng to'xtatildi. 

Gap shundaki, uchinchi raund davom etayotgan bir paytda Song raqibining ko'ziga qo'lini suqib oldi. Genri raqibim ko'zimga ikkita bo'lib ko'rinyapti deganidan keyin shifokor tavsiyasi, Sexudoning murabbiylari bilan suhbatidan keyin jang to'xtatildi. 

Natijada uch raund natijalari hisob-kitob qilinib, g'olib aniqlandi. Unda Yadong 29-28, 29-28, 30-27 hisoblarida g'alaba qozondi. Sexudo faoliyatidagi beshinchi mag'lubiyatini qabul qilib oldi. Hisobidagi g'alabalari soni 16 taligicha qoldi. Yadong esa bugun 19-g'alabasini tantana qildi. Uning hisobida 6 ta mag'lubiyat ham bor. Bitta jangida durang qayd etilgan bo'lsa, yana bir jangi o'tkazilmagan deya topilgan.