UFC Fight Night 286 turnirining bonuslari kimlarga nasib etdi?

Ulardan biri tadbirning xedlayneri (asosiy yulduzi) Song Yadongga nasib etdi. U oqshomning markaziy jangida Umar Nurmagomedovni shov-shuvli tarzda nokautga uchratdi.

Xitoylik jangchi barcha uchta hakamning baholash varaqalariga ko'ra birinchi raundni boy bergan bo'lsa-da, ikkinchi besh daqiqalikda rossiyalik raqibini qarshi zarba bilan esankiratib qo'ydi va parterdagi zarbalar bilan jangni yakunladi. SHu tariqa, u UFC`ning engil vazn toifasidagi chempionlik kamari uchun asosiy davogarlardan biriga aylandi.

"Oqshomning eng yaxshi chiqishi" uchun ikkinchi bonusni tashkilotdagi debyutini o'tkazgan indoneziyalik Bilol Hasan qo'lga kiritdi. U ikkinchi raundda liganing yana bir yangi azosi Nilson Roxasni nokautga uchratdi.

"Oqshomning eng yaxshi jangi" nominaciyasi g'olibligiga Ce Lyu va Levi Rodriges loyiq deb topildi. Ularning jangi birinchi raundning 4-daqiqasi 26-soniyasida xitoylik jangchining nokaut evaziga g'alabasi bilan yakunlandi. Mag'lubiyatga uchraganiga qaramay, braziliyalik jangchi ham 100 ming dollar mukofot oldi.

Bundan tashqari, yana besh nafar jangchi muddatidan oldin erishgan g'alabalari uchun 25 ming dollardan mukofot oldi. Ular: Deniz Gomes, Kay Asakura, Ri Curuya, Franchesko Nucci va Ektor Santyago. Raqiblarini muddatidan oldin mag'lub etgan Juliya Polastri va Andre Lima esa vazn o'lchash jarayonida muvaffaqiyatsizlikka uchragani uchun bonuslardan mahrum bo'lishdi.