UFC on ESPN 59 turnirining barcha natijalari bitta xabarda

Oqshomning markaziy jangi ayollar o'rtasida birinchi engil vazn toifasida sobiq UFC chempioni Rouz Namayunas hamda shu kungacha g'alabali seriya bilan kelayotgan Treysi Kortez o'rtasida o'tkazildi. Besh raund to'liq davom etgan jangda tajribali Rouz hakamlarning yakdil qarori (48-47, 49-46, 49-46) bilan g'alaba qozondi. 

Ko-meynivent jangida rossiyalik yarim o'rta vazn toifasi vakili Muslim Salixov hakamlarning ayri qaroriga ko'ra argentinalik Santyago Ponzinibbiodan ustun keldi. Teng kechgan jangda hakamlarning ikki nafari Muslimga, yana biri Santyagoga g'alabani taqdim etgan. Bu bilan Salixov ikkita mag'lubiyatli seriyasini yopishga muvaffaq bo'ldi. 

Ahamiyati jihatidan kardning uchinchi to'qnashuvida Dryu Dober o'ng ko'zidagi jarohat sabab jangni yakuniga etkaza olmadi. Natijada uchinchi raundda texnik nokautli mag'lubiyat yozildi. Ikki yillik tanaffusdan so'ng oktagonga qaytgan qozog'istonlik Mariya Agapova biroz kutilmaganda birinchi raunddayoq yutqazib qo'ydi. Braziliyalik Luana Santos Agapovani bo'g'ib qo'ydi. Bu Mariyaning ketma-ket qabul qilib olgan uchinchi mag'lubiyati bo'ldi. 

SHuningdek, bugungi turnirda Julian Erosa, CHarlz Jonson, Montel Jekson va Evan Elderlar ham muddatidan avval g'alaba nishasidini surishdi.