UFC on ESPN 59 turnirining markaziy jangi ham to'liq davom etdi + FOTO

Oqshomning markaziy jangi ayollar o'rtasida o'ta engil vazn toifasida o'tkazilib, unda sobiq chempion Rouz Namayunas Treysi Kortesga qarshi oktagonga chiqdi. Besh raundlik jang to'liq davom etdi va unda tajribali Namayunas hakamlarning yakdil qarori bilan ochkolar (49-46, 49-46, 48-47) hisobiga ko'ra g'alaba qozondi. 

Etiborlisi, Treysi Kortes 11 ta jangdan beri g'alabaga erishib kelayotgan edi. G'alabalarining so'nggi 5 tasini u UFC oktagonida qo'lga kiritgandi. Bugun u mag'lubiyat alamini totib ko'rdi. Rouz esa shu yilning 24 mart kuni Las-Vegas shahrida o'tgan UFC Vegas 89 turnirida braziliyalik Amanda Ribasni ochkolar bo'yicha yutgandi. Bugun Namayunas faoliyatidagi 16-g'alabasini tantana qildi. Hisobidagi mag'lubiyatlari soni 6 taligicha qoldi.